നാല് ചുവരുകള്‍ക്ക് ഇടയിലൊരിക്കലും
സങ്കല്പിചെടുക്കാന്‍ ആവാത്ത
ആ വന്യതയിലേക്ക് ഇറങ്ങുമ്പോള്‍
പിളര്‍ന്ന വായും ആയി
ജലപാളികള്‍ തകര്‍ത്തു
ഒരു ഇരുണ്ട നിഴല്‍
നീന്തി വരുമെന്ന് ഞാന്‍ ഭയന്നു...
അപരിചിത ആഴങ്ങളുടെ
സാഹസികതകള്‍ തേടി
കുളിരുന്ന സ്വകാര്യതയെ
ആക്രമിച്ചു കീഴ്പെടുത്തി
ആഹ്ലാദിക്കുന്ന
ഓരോ നീന്തല്‍ക്കാരനെയും
കാത്തു
ആഴങ്ങളിലൂടെ ഊളിയിട്ടെത്തുന്ന
കൂര്‍ത്ത പല്ലുകളുടെ അത്ഭുതം
ഓരോ പുഴയുടെയും സ്വപ്നമോ .. ?
പുഴയോരങ്ങളുടെ
പുരാതനമായ
ഒര്മയനത്രേ ആ
പിളര്‍ന്ന വായ....
