പച്ചമുളക് നീറ്റം..,
കരയിപ്പിച്ചു
മുറിഞ്ഞു വീഴും ഉള്ളികള്...
കൌമാര പ്രണയം പോല്
പൊട്ടിത്തെറിച്ചു
തീരും കടുകുമണികള്
കഴുകിത്തീരാ പാത്രങ്ങള്
എത്ര ശ്രദ്ധിച്ചിട്ടും ചൂടാറാപാത്രം തുറക്കുമ്പോള്
നരകപാലം കണക്കൊരു മുടി
എന്നിട്ട് ഒടുക്കം ...
കരിയാതെ..
വെന്തുടയാതെ..
എരിവും പുളിയും ഉപ്പും
എല്ലാം
കൃത്യമാക്കി...
എത്ര തണുത്തിട്ടും
ചൂടാറാതെയെന്നു നടിച്ച്
ചുളിവില്ലാ കിടക്കവിരിയിലേക്ക്
വിളമ്പി വെച്ചു....
"Sleeping woman"