കാക ശാസ്ത്രം

പാടുവാറില്ല കുയിലിനെപ്പോലെ

ആടാറില്ല മയിലിനെ പോലെയും...

കുഞ്ഞിനെ 
പറ്റിച്ചെടുത്ത നെയ്യപ്പം
ഓര്‍ക്കുമ്പോഴെല്ലാം
കുറുക്കന്റെ കൂര്‍ത്ത മുഖവും

പാടിതീരാത്ത പാട്ടും തേട്ടി തേട്ടി  വരും  

എത്ര കല്ലെടുത്ത്‌ ഇട്ടിട്ടും പൊന്തി വന്നില്ല 

ഒരു തുള്ളി പോലും സ്നേഹവും 

എന്നിട്ടിതാ പാതിരാ വണ്ടിക്കു-

മുന്നില്‍ പെട്ട് പാതി ചത്ത പൂച്ച 

എന്നോടിതാ പ്രേമം കുറുകുന്നു..

തിരക്കിട്ട് പറന്നടുത്തു ചെല്ലാന്‍ 

ഞാനാര് ഉപഗുപ്തനോ...?

ചിത്രം www .  notcot ല്‍ നിന്ന്