ഒടുവില്
എനിക്കോര്മയില്ല ,
എന്റെ മനസ്സിന്റെ ചിലന്തിവലകളില്
കുരുങ്ങിപ്പോയ
നിന്റെ ശലഭക്കിനാക്കളെ..
പുറന്തോടുകള് അടര്ത്തും തോറും
ഇല്ലാതാകുന്ന ഉള്ളിയാണ്
നിന്റെ പ്രണയം
രൂക്ഷ ഗന്ധമുള്ള,
എരിവുള്ള,
മറക്കാനെളുപ്പമുള്ള ഒന്ന്.
സന്ധ്യയും സ്വപ്നങ്ങളും
കടലില് കളഞ്ഞ്
അവസാന പ്രണയത്തിന്റെ
നിത്യ ശാന്തിക്കായ്
ബലിയിട്ടു മടങ്ങവേ .....
പിണ്ഡം കൊത്താനെത്തുന്ന
കാക്കകളില് ഒന്നിന്
നിന്റെ മുഖച്ഛായ...
pravasakavitha
(2000 തിലെഴുതിയത്)
